Fotografitë i takojnë periudhës së ashtuquajtur "Periudha e rindërtimit socialist", megjithëkëtë ka edhe fotografi të viteve të mëhershme që mundësojnë të kemi një pamje të mirë për shumë vende dhe ngjarje të kohës. Fotografi të lagjeve të qytetit të Prishtinës dhe qyteteve të tjera, të cilat nën parullën "ta ndërtojmë të renë duke shkatërruar të vjetrën" janë shkatërruar dhe kanë humbur gjurmët e tyre. Rëndësi të veçantë kanë edhe fotografitë e kurseve kundër analfabetizmit si dhe ndërtimi i objekteve të ndryshme. Në këtë koleksion ka edhe fotografi të pjesëmarrësve të Luftës së Dytë Botërore, brigadave, aktivistëve.